អាគមខ្មៅ
តាមន្តគឺជាគ្រូអាគមម្នាក់ដែលតែងតែដាក់អំពើគេ។ គាត់បានរៀនវិជ្ជានោះដោយលួចលាក់ ដើម្បីបំពេញមហិច្ឆតាខ្លួនឯង។ មានមនុស្សមិនតិចនាក់ទេដែលត្រូវតាមន្តដាក់អំពើឱ្យឈឺស្លាប់ ហើយអ្វីដែលគាត់បានមកវិញគឺលុយកាក់ដ៏ច្រើនសន្ធឹកសន្ធាប់ពីអ្នកដែលមកពឹងគាត់។ ក្រោយមកតាមន្តក៏ធ្លាក់ខ្លួនឈឺ ហើយអាការជំងឺរបស់គាត់ គឺដូចជាអាការរបស់អ្នកដែលត្រូវអាគមខ្មៅរបស់គាត់ដែរ។ ទោះបីជាគាត់ចង់ស្លាប់ ក៏គាត់មិនអាចស្លាប់បានដែរ រហូតទាល់តែគាត់រកទាយាទស្នងបាន។ ប៉ុន្តែចុងក្រោយ គ្រួសាររបស់គាត់បាននាំគាត់ទៅជួបព្រះសង្ឃ ហើយគាត់លែងចិត្តដែលចង់បន្តអាគមខ្មៅនោះ ទទួលយកការអហោសិកម្មរបស់អ្នកជុំវិញខ្លួន ទើបគាត់អាចស្លាប់បាន។
