ភូមិស្រី បំភ្លៃចិត្ត
បុរសជាមន្ត្រីឥណទានពីរនាក់ បានធ្វើដំណើរទៅដល់ភូមិដាច់ស្រយាលមួយក្នុងស្រុកពារាំងខេត្តព្រៃវែង នៅម៉ោង១២ថ្ងៃត្រង់គត់។ អ្នកទាំងពីរត្រូវបានខ្មោចលងឥតឈប់ ឥតឈរ ដែលធ្វើឱ្យគាត់ពិបាកបែងចែកថា អ្នកណាជាមនុស្សមែនទែន អ្នកណាជាខ្មោចបំភ័ន្តភ្នែក។ បុរសទាំងពីររត់ផាសក្រញាំពីផ្ទះមួយទៅផ្ទះមួយ ពីឧបាសកទៅជួបព្រះសង្ឃ គឺសុទ្ធតែជាខ្មោចទាំងអស់។ ចុងក្រោយអ្នកទាំងពីរក៏បានមកដល់តូបលក់កាហ្វេមួយហើយ ត្រូវអ្នកលក់កាហ្វេនេះប្រាប់ថា អ្នកណាក៏ដោយដែលមានបំណងអាក្រក់មក នឹងត្រូវខ្មោចបំភ័ន្តសណ្ដំមិនខាន។ តែសម្រាប់អ្នកទាំងពីរ ទោះជាគ្មានបំណងអាក្រក់អ្វី ក៏គេបំភ័ន្តដែរ ព្រោះគេចង់ប្រដៅជាមុន មុននឹងធ្វើខុសទាន់។