ថៅកែផេង (សំឡេង)
បើស្នេហាកើតឡើងដោយទឹកចិត្តស្មោះស្ម័គ្រ ច្បាស់ជាអាចមានលទ្ធផលល្អនៅពេលចុងបញ្ចប់ ប៉ុន្តែបើស្នេហាមួយកើតឡើងដោយសារតែចិត្តភ្លើតភ្លើនមួយឆាវ ឬព្រោះតែចង់បោកយកអ្វីមួយពីគេ នោះលទ្ធផលចុងក្រោយក៏វាគឺជាការខកបំណង។
ស្រីឡែន យុវតីជាង២០ឆ្នាំសុខចិត្តដើរចេញពីផ្ទះដោយសារតែបងៗ និងម្ដាយមិនគាំទ្រឱ្យនាងទៅស្រលាញ់ថៅកែអ្នកមានម្នាក់ ព្រោះតែគាត់មានប្រពន្ធរួចទៅហើយ។ ថៅកែផេងនោះ ទោះបីមានប្រពន្ធហើយក៏នៅតែស្រលាញ់ឡែន គាត់ហ៊ានផ្ដល់គ្រប់យ៉ាងដែលនាងចង់បាន ទាំងពេលវេលា មាសប្រាក់ និងអ្វីៗផ្សេងទៀត។
នាងបានបោះបង់សាច់ញាតិ ហើយមករស់នៅឆក់កណ្ដៀតជាមួយលោកផេង ទោះបីមានការព្រមានពីប្រពន្ធដើមក៏ដោយ។ មួយរយៈក្រោយមក ឡែនដឹងថាលោកផេងមានជំងឺ ត្រូវដេកសម្រាកនៅមន្ទីរពេទ្យ ទើបមិនបានមករកនាងដូចពីមុន។ ទៅសួរសុខទុក្ខថៅកែផេងដល់មន្ទីរពេទ្យ ឡែនប្រុងបោកយកទ្រព្យគាត់ដែរ តែហាមិនទាន់ ត្រូវប្រពន្ធដើមគាត់ប្រាប់ដំណឹងអកុសលមួយទៅនាង។
