My Crush
«មិនមែនចង់ជួបទេ តែមិនជួបមិនបាន» នរណាក៏ដោយឲ្យតែស្គាល់ពាក្យមួយឃ្លានេះ គឺដូចជាស្គាល់រូបខ្ញុំដែរ។ អ្វីដែលសំខាន់គឺថាខ្ញុំជាអ្នកនាំពួកគេឲ្យស្គាល់អ្វីទៅជាពាក្យហៅថា «Crush» មិនត្រឹមតែពួកម៉ាកប៉ុន្មាននាក់ដែលជិតស្និទ្ធនឹងខ្ញុំហ្នឹងទេ នៅក្នុងហ្វេសប៊ុក អាផេកដែលអ្នកចូលចិត្តcrushលើគេចូលចិត្តចុចshareតគ្នាហ្នឹង បើចង់រកមុខម្ចាស់ផេក គឺម្នាក់នេះឯង។ «ជីវិតមួយនេះ បើគ្មានcrushទេ ជីវិតប្រាកដជាគ្មានទេពាក្យថារីករាយ» ព្រះអើយ!!! ទើបតែបង្ហោះមុនហ្នឹងសោះ shareឡើងជិត១០០??? បើតាមលទ្ធផលជាក់ស្តែងនេះ បានបង្ហាញឲ្យឃើញថាសម័យឥលូវនេះ ចំនួនអ្នកcrushលើគេមានកាន់តែច្រើនហើយតើ…មិនប្រាកដថាជារឿងល្អ ឬអាក្រក់ទេសម្រាប់ពិភពលោកនេះ។ អូនអត់ខ្វល់ សំខាន់អូនស្អាត លលេងទេ ខុសប៉ារ៉ូលហើយ… អូនអត់ខ្វល់ សំខាន់អូនសប្បាយចិត្ត។ ធ្លាប់មានប៉ុន្មានដងដែរ ដែលពួកម៉ាកលំដាប់សំណព្វចិត្តរបស់ខ្ញុំ ស្តីបន្ទោសអារឿងលួចស្រលាញ់គេហ្នឹង ហើយពួកវានាំគ្នារុញឲ្យខ្ញុំរកសង្សារមួយហ្នឹងគេដែរ ព្រោះថាក្នុងក្រុមរបស់យើងហ្នឹង នៅសល់តែខ្ញុំមិនទាន់ Taken។
