​កាលពី​យូរលង់​ណាស់​មក​ហើយ​ ព្រះ​ចៅ​ស៊ុល​តង់​នៃ​ប្រទេស​ឥណ្ឌា​មាន​រាជបុត្រា​៣​អង្គ​ គឺ​រាជបុត្រ​ច្បង​នាម ហា​សេន បុត្រ​កណ្តាល​ទ្រង់​អា​លី បុត្រា​ពៅ​ព្រះនាម​អា​ម៉េដ​។​ ​មហា​ស៊ុល​តង់​​​​​​​​​​​​​​​​​​​អង្គ​នេះ​មាន​ព្រះ​គម្រោង​ថា​នឹង​ស្វែងរក​ឱកាស​រៀប​​អភិសេក​រាជ​បុត្រ​​អង្គ​ណាមួយ​របស់​ទ្រង់​ទៅ​ជាមួយ​ព្រះ​ធីតា​ព្រះនាម​ថា Nouronnihar បុត្រី​នៃ​ក្សត្រ Noble ​ដែល​ជា​កុល​ស្ត្រី​ដ៏​ល្បីល្បាញ​ខាង​មាន​សម្ភស្ស​ដូច​ទេ​ពធីតា ​និង​មាន​ចរិយា​ល្អ​ជា​កំពូលស្រី​លើ​លោក​។​ ​ ព្រះ​អង្គ​បាន​កោះហៅ​រា​ជបុត្រា​ទាំងបី​មក ​ហើយ​ប្រកាស​ថា មានតែ​រាជបុត្រា​ច្បង​ គឺ​ទ្រង់​ហា​សេន​តែប៉ុណ្ណោះ​ដែល​មាន​វ័យ​ស័ក្ដិសម​នឹង​ទៅ​ស្តី​ដណ្តឹង​ព្រះនាង​ Nouronnihar​ មក​ជា​ជាយា​។​ ​តែ​រាជបុត្រា​ទាំង​ពីរ​ផ្សេង​ទៀត​ដែល​សុទ្ធសឹង​មាន​មេត្រី​លើ​ស្រី​ដ៏​ល្បីឈ្មោះ បាន​បដិសេធ​មិន​ព្រម​គោរព​តាម​ហើយ​ចោទ​ថា​ នេះ​ជា​ព្រះទ័យ​ដ៏​លំអៀង​មួយ​។​