ព្រះរាជា និង សេះខ្មៅ
ព្រះរាជាមួយព្រះអង្គមានជំនក់ចិត្តក្នុងការធ្វើដំណើរតាមសមុទ្រ ថ្ងៃមួយពេលដែលទ្រង់យាងតាមសំពៅទៅក្បែរកោះមេដែកមួយ ដែលល្បីថាទាញស្រូបសំពៅឲ្យលិចក្នុងសមុទ្រ។ ទីបំផុតសំពៅរបស់ព្រះអង្គបានលិចដូចពាក្យដំណាលមែន។ ទ្រង់បានរសាត់អណ្ដែតទៅដល់វាលរហោឋានមួយរួចធ្វើដំណើរទៅកំពូលភ្នំដែលមានប្រាសាទដែកពណ៌ប្រាក់ដ៏ស្កឹមស្កៃ។ រាជាអង្គនោះបានយល់សុបិនឃើញព្រះបិតាទ្រង់មានបន្ទូលប្រាប់ពីរបៀបចាកចេញពីទីនេះ ទ្រង់ភ្ញាក់ឡើងខំកាយដីតាមការប្រាប់ក្នុងសុបិននិមិត្តក៏បានឃើញប្រាកដមែន រួចក៏ទាញព្រួញបាច់សំដៅប្រាសាទនោះ។
