គ្រាប់ពេជ្រ
រ័ត្នគឺជានារីវ័យ២០ក្រាស់នៅលីវ ចូលចិត្តតែងខ្លួន ហើយជាកូនស្រីច្បងក្នុងគ្រួសារ។ នាងមានប្អូនប្រុសម្នាក់ទៀតដែលជានិស្សិតឆ្នាំទីពីរឈ្មោះកាន។ សម្រាប់រ័ត្ននិងម៉ាក់ប៉ា កានគឺជាគ្រាប់ពេជ្ររបស់គ្រួសារ ព្រោះគេគឺជាកូនប្រុសទោលដែលអាចបន្តពូជពង្សវង្សត្រកូលគ្រួសារបាន។
ក្រៅពីរូបរាងសង្ហា កានរៀនពូកែហើយថែមទាំងឧស្សាហ៍ធ្វើរឿងសប្បុរសធម៌ទៀតផង។ រ័ត្នស្រឡាញ់ប្អូនម្នាក់នេះខ្លាំងណាស់ ហើយក៏គាំទ្រឱ្យគេទាក់ទងមិត្តស្រីពេលនៅរៀនដែរ ទោះបីជាប៉ារបស់នាងមិនពេញចិត្តក៏ដោយ។ តែព្យុះភ្លៀងក៏ចាប់ផ្ដើមបោកបក់សុភមង្គលគ្រួសារដែលមានសមាជិកបួននាក់នេះ ដោយចាប់ផ្ដើមពីការបាត់គ្រឿងសម្អាងរបស់រ័ត្ន ដោយសារតែកានអ្នកយកទៅប្រើប្រាស់។
