ថ្នាក់ទី ១០B
ពេលព្រឹកដ៏ស្រស់ស្រាយកែវ រស្មីដាលីសជាសិស្សឆ្នាំថ្មីនៃថ្នាក់វិទ្យាល័យ នាងធ្វើដំណើរទៅសាលាទាំងព្រឹកព្រលឹមព្រោះតែជាថ្ងៃចូលរៀនដំបូង។ ថ្ងៃនេះដាលីសរីករាយណាស់ ព្រោះនាងបានរៀនថ្នាក់ជាមួយមិត្តទាំងពីរនាក់របស់នាងគឺ រតនា និងណាវីននៅថ្នាក់ទី10។ ក្នុងពិធីបើកវិស្សមកាលដែលមានលោកនាយកឡើងថ្លែងសុន្ទរកថា និងមានសិស្សច្បងប៉ុន្មាននាក់បញ្ចេញមតិ និងធ្វើសេចក្ដីថ្លែងអំណរគុណដល់លោកគ្រូអ្នកគ្រូ។ ក្រោយពេលបិទកម្មវិធីសិស្សទាំងអស់ក៏ទៅថ្នាក់រៀងៗខ្លួន ចំណែកឯដាលីសវិញក៏ដើរទៅជាមួយមិត្តសំណព្វរបស់នាង។ ពេលចូលដល់ថ្នាក់៖ ដាលីស៖ “យើងអង្គុយជិតគ្នា រតនា ណាវីន” រតនានិងណាវីន “ok ok” ដាលីសក៏ដើរសំដៅទៅតុទំនេរបីបួនជាប់គ្នា ជាមួយមិត្តភក្ដិនាង។ ពេលចូលរៀនលោកគ្រូ សុខ សម្បត្តិ ដែលជាគ្រូបន្ទុកថ្នាក់ចូលមកបង្រៀន។ លោកគ្រូ៖”សួស្ដីប្អូនៗទាំងអស់គ្នា!” សិស្សទាំងអស់ក្រោកឈរគោរពលោកគ្រូដោយភាពស្ងៀមស្ងាត់។ លោកគ្រូ៖ ថ្ងៃនេះមុនចូលរៀនយើងគួរតែស្គាល់គ្នាជាមុនសិនលោកគ្រូឈ្មោះ សុខ សម្បត្តិជាគ្រូមុខវិជ្ជាភូមិហើយក៏ជាគ្រូបន្ទុកថ្នាក់របស់ប្អូនៗដែរដូច្នេះខ្ញុំចង់ឱ្យប្អូនៗទាំងអស់គ្នាណែនាំខ្លួនម្នាក់ម្ដងៗ ចាប់ផ្ដើមពីប្អូនស្រីតុមុខមុនគេ។ ដាលីសក៏ងើបឈរទាំងភ្ញាក់ផ្អើល៖ អឺ…! ខ្ញុំឈ្មោះ កែវ រស្មីដាលីសរីករាយណាស់ដែលបានជួបអ្នកទាំងអស់គ្នា។ ចប់នាងក៏អង្គុយចុះ ហើយប្រុសម្នាក់ដែលអង្គុយពីក្រោយនាងក៏ក្រោកឈរហើយនិយាយ។ មករា៖ សួស្ដី! ខ្ញុំបាទឈ្មោះ លីម មករា ខ្ញុំរីករាយនិងអរគុណចំពោះការស្វាគមន៍របស់អ្នកទាំងអស់គ្នា។