Am I in Love? (សំឡេង)
មិនាជានារីម្នាក់ដែលមិត្តភ័ក្ដិគ្រប់គ្នាសុទ្ធតែសរសើរថាស្អាត និងរួសរាយគួរឱ្យស្រលាញ់។ នាងបានស្គាល់បុរសខ្មែរម្នាក់ដែលទៅរៀនបន្តនៅទីក្រុងបាងកក ស្របពេលដែលនាងចុះកម្មវិធីសិក្សានៅទីនោះ។
ស្រេងជាមិត្តជិតស្និទ្ធរបស់នាង ទោះបីគេជាប្រុស ឯនាងជាស្រី តែរាល់ពេលមានបញ្ហា មិនថារឿងសប្បាយ រឿងកើតទុក្ខ មិនាតែងទុកស្រេងជាអ្នកប្រឹក្សាដ៏ខានមិនបាន។ មិនាបានតំណាលពីទំនាក់ទំនងរបស់នាង និងបងធាដែលនាងស្គាល់នៅស្រុកថៃ និងអួតពីចំណុចល្អរបស់គេប្រាប់ស្រេង។
ពីសម្បកក្រៅ បងធាគឺជាសុភាពបុរសដែលគេឯងយល់ថាល្អ និងសរសើរវាសនាមិនាដែលបានគេនោះជាសង្សារ។ សេពគប់គ្នាពីមួយថ្ងៃ មួយខែ ដល់យូរទៅ ពួកគេក៏បានរួមរស់ជាមួយគ្នាក្នុងនាមឥតខាន់ស្លា រហូតដល់ចុងក្រោយទើបដឹងថា នាងគឺត្រឹមជាស្រីកំដរលួចលាក់ប៉ុណ្ណោះ។ មិនាបានត្រូវបានបុរសជាទីប្រឹក្សាជួយលើកទឹកចិត្ត និងជួយជ្រោមជ្រែងពេលនាងខូចចិត្ត រហូតបានក្លាយជាគូជីវិតជាមួយគ្នា។
